"ვალიადოლიდს" განსაკუთრებული, და მითუმეტეს სასიამოვნო მოგონებები "ნოუ კამპთან" არ აკავშირებს. კატალონიაში მათ მხოლოდ ორჯერ მოახერხეს სამი ქულის აღება ბოლო 39 შეხვედრაში, მაგრამ ახლა მათ სამი ქულა წყალივით სჭირდება, წინააღმდეგ შემთხვევაში ისინი უმაღლეს დივიზიონს დატოვებენ.
 31 მოგება სახლში, ორიც სტუმრად და 6 ფრე, - ეს არის "ბარსელონას" შედეგი "ვალიადოლიდის" წინააღმდეგ. შემდეგი გამარჯვება კატალონიური კლუბისთვის ესპანეთში 20-ე ტიტულის მოპოვების ტოლფასი იქნება. მოტივირებულნი მარტო კატალონიელები არ იქნებია, კასტილიანელები უბრძოლველად არაფერს დათმობენ, მათ პრიმერაში დარჩენა სწყურიათ.

 პირველმა "ვალიადოლიდმა" გაიმარჯვა "ნოუ კამპზე"
 პირველად სწორედ "ვალიადოლიდის" ფეხბურთელებმა შეძლეს "ნოუ კამპიდან" სამი ქულით წამოსვლა 1987-1988 წლების სეზონში, მაშინ 2:4 დაფიქსირდა.

 ათი წლის შემდეგ კვლავ გამარჯვება
 კასტილიანელებს ათი წელი დასჭირდათ, რათა მათი მიღწევა გაემეორებინათ. ყოფილმა "ბარსელონელმა", ეუსებიო საკრისტიანმა, და პეტერნაჩმა დიდი სურპრიზი შესთავაზეს კატალონიელ გულშემატკივრებს. მარკოსი არის ერთადერთი იმდროინდელი ფეხბურთელი, რომელიც დღესაც მათ შემადგენლობაში ირიცხება.

 ცვლილება ჩავარდნის ასაცილებლად
 "ვალიადოლიდი" ბარსელონაში ძალიან მოტივირებულნი ჩამოდიან და ყველაფერს გააკეთებენ "ნოუ კამპიდან" ხელცარიელნი რომ არ წამოვიდნენ, თუ რა თქმა უნდა პრიმერაში დარჩენა სურთ. მათ კლუბში ყველაფერი რიგზე ვერ არის. ონესიმომ მენდილიბარი შეცვალა მთავარი მწვრთნელის პოსტზე. მან თან მოიტანა ახალი იდეები, მაგრამ სასურველ შედეგს მაინც ვერ მიაღწიეს და ახლა კლუბს გამოცდილი და ვეტერანი მწვრთნელი,ჩავი ერ კლემენტე უდგათ სათავეში. კვირას გამოჩნდება შეძლებს თუ არა ეს კაცი იმ შედეგის მიღწევას, რომელიც "ბარსელონასთან" ბევრს არ ღირსებია.

 

ბოლო მატჩი 6:0 დასრულდა

  ბოლო მატჩში, რომელშიც "ბარსელონამ" "ვალიადოლიდი" დაამარცხა, გამანადგურებელი ანგარიში დაფიქსირდა. კატალონიელებმა 6 უპასუზო გოლი გაუტანეს მოწინააღმდეგეს. ეტომ მაშინ რეკორდი დაამყარა, შეასრულა რა პოკერი პირველ ტაიმში. მეორე ტაიმში ანრიმ და გუდიონსენმა გაიტანეს თითო-თითო გოლი, ამიტომ კასტილიანელებს ხვალ დიდი ჯაფის დაღვრა მოუწევთ, რათა როგორმე შური იძიონ.

წყარო: www.fcbarcelona.cat