ბოიან კრკიჩი თვლის, რომ ზედმეტი თავდაჯერებულობა საზიანო გამოდგება სეზონის ბოლო ტურში, რომელშიც ”ბარსელონა” ”ვალიადოლიდს” უმასპინძლებს. ესპანელმა ფანებს მოუწოდა, მოვიდნენ და მხარი დაუჭირონ საკუთარ გუნდს.
 ახალგაზრდა თავდამსხმელი თვლის, რომ ”ვალიადოლიდი” ადვილად ვერ დამარცხდება: ”ისინი მთლიანად დაცვაზე იქნებიან გადართულები. ველით, რომ ძალიან ძნელი მატჩი იქნება და რაც შეიძლება, მალე უნდა გადავწყვიტოთ თამაშის ბედი.”
 ”ასეთ მნიშვნელოვან მატჩებში, უნდა ვეცადოთ, რომ ანგარიში 0:0 დიდი ხნით არ შევინარჩუნოთ. ამიტამაც პირველი წუთების კარგად დაწყებას გადამწყვეტი მნიშვნელობა ექნება. ამაში კი, ფანები დაგვეხმარებიან.”

 ”უკეთესი გავხდი, ვიდრე შარშან ვიყავი”
ბოიანმა ბოლო რამდენიმე კვირის განმავლობაში დიდი პროგრესი განიცადა. ეს სტატისტიკაშიც აისხა. კრკიჩმა ბოლო 10 შეხვედრაში 8 გოლი გაიტანა: ”ყველაფერს მიაღწევ, თუ ბევრს იშრომებ. ვგრძნობ, რომ დღეს უკეთესი ფეხბურთელი გავხდი, ვიდრე მანამდე ვიყავი. მოხარული ვარ, რომ გამოცდილებას ვიძენ ნელნელა. ადვილი არ იყო, მაგრამ მაინც მოვახერხე ბევრის სწავლა.”
 ბოიანმა ”სევილიას” და ”ვილიარეალის” დამარცხებაში უდიდესი წვლილი შეიტანა: ”ის ორი მატჩი ჩემთვის ძალიან მნიშვნელოვანი გამოდგა. თავს მშვენივრად ვგრძნობ, მაგრამ მთავარია ასეთ მატჩებში რეგულარულად გამოვიჩინო თავი და მინდორზე დისკომფორტი არ შემექმნას.”

 ბოიანი და ესპანეთის ნაკრები
 მიუხედავად იმისა, რომ კრკიჩი მსოფლიო ჩემპიონატზე ფეხბურთელის სტატუსით ვერ გაემგზავრება, მომავალში ესპანელს ნაკრებში თავის გამოჩენის იმედი აქვს: ”ლოგიკურია განაცხადში რომ ვერ მოვხვდი, თუმცა ძალიან მესიამოვნებოდა მწვრთნელს რომ გამოვეძახე. ჯერ ძალაინ ახალგაზრდა ვარ და იმედია, მომავალ მსოფლიო ჩემპიონატზე შანსი მომეცემა.”