ხვალ "ბარსელონას" სეზონის ბოლო შეხვედრა აქვს ჩასატარებელი "კამპ ნოუზე" "ვალიადოლიდის" წინააღმდეგ. კატალონიის "ბარსელონას" თავკაცმა ხოსეპ გვარდიოლამ განაცხადა, რომ მისი გუნდი მზად არის ამ შერკინებისათვის და ბლაუგრანა ყველაფერს გააკეთებს საჩემპიონო 3 ქულის მოსაპოვებლად. "ხვალ გადამწყვეტი მატჩი გველის. ყველაფერი უნდა გავაკეთოთ საჩემპიონო 3 ქულის მოსაპოვებლად. ვთხოვთ გულშემატკივარს მობრძანდეს ჩვენს შეხვედრაზე, ჩემპიონობა ხელიდან არავითარ შემთხვევაში არ უნდა გავუშვათ". გვარდიოლამ აქვე დაამატა, რომ გუნდის უმთავრესი მეტოქე მადრიდის "რეალიც" მძიმე შეხვედრას გამართავს"მალაგას" წინააღმდეგ. "ჩვენ სხვის შედეგზე ორიენტირებულნი არ უნდა ვიყოთ. ჩვენ ჩვენ მატჩში უნდა ვიმარჯვოთ, მთავარი მხოლოდ ესაა". გვარდიოლამ "ვალიადოლიდის"თავკაცზე კლემენტზე ისაუბრა."მე ვნახე მისი გუნდის თამაშები და ვერ ვიტყვი,რომ კლემენტე გუნდს თავდაცვით ფეხბურთს ათამაშებს. "ვალიადოლიდი" ძალიან კარგი გუნდია, მათ ჰყავთ კარგი თავკაცი, რომელიც გუნდს არცთუ ურიგოთ ათამაშებს".

მიუხედავად იმისა თუ რამოხდება ბოლო მატჩში გვარდიოლა მაინც კმაყოფილია გუნდის მუშაობით. "არავინ იცის რა მოხდება ბოლო მატჩში, მაგრამ მინდა გითხრათ, რომ გუნდის მუშაობით კმაყოფილი ვარ, ფეხბურთელებმა ძალიან კარგი  და სტაბილური სეზონი ჩაატარეს, ვამაყობ იმით, რომ ასეთი გუნდის გაწვრთნა მიწევს". დასასრულს გვარდიოლამ ინიესტაზე ისაუბრა. "იგი გამოკეთდადა და ეს გუნდისთვის ძალიან კარგია. ჯერ არ მაქვს გადაწყვეტილი ვის დავაყნებ "ვალიადოლიდთან" მატჩში, თუკი ინიესტა შეძლებს მატჩში მონაწილეობას, აუცილებლად მივცემ მას თამაშის შანს. თუ ვინ ვათამაშო ძირითად შემადგენლობაში ამას ბოლო წუთებში გადავწყვეტ. იცით, რომ სიურპრიზები მჩვევია".

წყარო: fcbarcelona.cat